यस्तो छ आजका लागि कृषिउपजको थोक मूल्य

२०८२ साल माघ ९

हाइस्पीड सम्वाददाता

कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य सार्वजनिक गरेको छ। समितिका अनुसार आज तरकारी, फलफूल, सागसब्जी, मसला तथा माछाको मूल्यमा वस्तु अनुसार फरक–फरक दर कायम गरिएको छ।

आज गोलभेँडाको मूल्य प्रतिकिलो रु ४० देखि रु १०० सम्म तोकिएको छ भने आलु प्रतिकिलो रु २५ देखि रु ३० र प्याज प्रतिकिलो रु ४५ मा कारोबार भइरहेको छ। बन्दाको मूल्य रु ५०–६०, काउली रु ६०–८० तथा गाजर प्रतिकिलो रु ४० देखि रु ६० सम्म निर्धारण गरिएको छ।

हरियो तरकारीतर्फ घिउ सिमी प्रतिकिलो रु १०० देखि रु १४०, करेला रु १६०, भिन्डी रु १५०, परबर रु २४० र लौका रु ९० तोकिएको छ। सागसब्जीमध्ये रायोसाग रु ३५, पालुङ्गो र चमसुर रु ८०, मेथी रु ९० तथा तोरीको साग रु ४० प्रतिकिलो कायम गरिएको छ।

च्याउको मूल्यमा ठूलो अन्तर देखिएको छ। कन्य च्याउ प्रतिकिलो रु ११०, राजा च्याउ रु ३०० र सिताके च्याउ प्रतिकिलो रु १,००० निर्धारण गरिएको छ। साथै ब्रोकाउली, चुकुन्दर, सेलरी, पार्सले, पुदिना जस्ता विशेष तरकारी र सागको मूल्य पनि तुलनात्मक रूपमा महँगो रहेको छ।

फलफूलतर्फ स्याउ प्रतिकिलो रु २८० देखि रु ३५०, केरा दर्जनको रु १८०, सुन्तला रु १७०, अनार रु ३५०, स्ट्रबेरी रु ५५०, किबी रु २८० र एभोकाडो रु ३५० कायम गरिएको छ।

त्यसैगरी मसला र अन्य सामग्रीतर्फ अदुवा रु ११०, हरियो खुर्सानी रु ९० देखि रु ५५०, लसुन रु २२०–२४० तथा सुकेको खुर्सानी प्रतिकिलो रु ४२० तोकिएको छ। माछातर्फ ताजा रहु माछा प्रतिकिलो रु ३४० र सुकेको माछा रु १,००० मा कारोबार भइरहेको छ। समितिले यी मूल्यहरू आजका लागि लागू हुने जनाएको छ।

श्रोत: अनलाईन खबर