२०८२ साल फाल्गुन १
हाइस्पीड सम्वाददाता
नागढुंगाबाट अमेरिकन पेस्तोलसहित एक जना पक्राउ परेका छन्। चन्द्रागिरी नगरपालिका–२ स्थित नागढुंगामा ‘मेड इन यूएसए’ लेखिएको एक थान पेस्तोल र चार राउण्ड गोलीसहित प्रहरीले उनलाई नियन्त्रणमा लिएको हो।
पक्राउ पर्नेमा केयुर पुरी रहेका छन्, जो कीर्तिपुर नगरपालिका–२ का ३० वर्षीय स्थानीय हुन्। प्रहरी प्रभाग नागढुंगाबाट खटिएको टोलीले शुक्रबार बिहान उनलाई पक्राउ गरेको जनाएको छ।
चितवनबाट काठमाडौं आउँदै गरेको बा १९ च ६९० नम्बरको कार तलासी गर्दा उक्त पेस्तोल फेला परेको प्रहरीले जानकारी दिएको छ। घटनाबारे थप अनुसन्धान भइरहेको बताइएको छ।
श्रोत: अनलाईन खबर
तपाईको प्रतिक्रिया