गुल्मीमा चट्याङ लागेर थप ३ जना घाइते

गुल्मीमा चट्याङ लाग्दा तीन जना घाइते, उपचारपछि डिस्चार्ज

गुल्मीको मालिका गाउँपालिका–३ ह्वाङदीमा चट्याङ लाग्दा एकै परिवारका तीन जना घाइते भएका छन्। घाइते हुनेहरूमा ६४ वर्षीय नारायण थापा, उनकी ३ वर्षीया नातिनी आस्मा गिरी र ६ वर्षीया आशिका गिरी रहेका छन्। चट्याङका कारण नारायण थापाको टाउकोमा चोट लागेको छ भने दुवै बालिकाको अवस्था सामान्य रहेको जनाइएको छ। घाइते तीनै जनालाई तत्काल प्राथमिक स्वास्थ्य केन्द्र ह्वाङदीमा उपचारका लागि लगिएको थियो र उपचारपछि डिस्चार्ज गरिएको प्रहरीले जनाएको छ। घटनापछि चट्याङबाट हुन सक्ने जोखिमलाई ध्यानमा राख्दै स्थानीयवासीलाई सतर्कता अपनाउन आग्रह गरिएको छ।

श्रोत: अनलाईन खबर