२०८२ साल बैशाख १५
हाइस्पीड संवाददाता
सिरहामा टिपरको ठक्करबाट पैदलयात्रीको मृत्यु
सिरहाको गोलबजार नगरपालिका–६ स्थित धमनी मन्दिर नजिक पूर्व–पश्चिम लोकमार्गमा टिपरको ठक्करबाट एक पैदलयात्रीको मृत्यु भएको छ।
मंगलबार बिहान करिब १० बजे गोलबजारबाट लहानतर्फ जाँदै गरेको ना १ क ९२२८ नम्बरको टिपरले पैदल हिँडिरहेका उदयपुर कटारी नगरपालिका–१ निवासी करिब ५० वर्षीय समजित राईलाई ठक्कर दिएको थियो।
गम्भीर घाइते भएका राईलाई उपचारका लागि प्रादेशिक अस्पताल लहान पुर्याइए पनि बिहान ११:२५ बजे चिकित्सकले मृत घोषणा गरेका थिए। दुर्घटनामा संलग्न टिपर र चालक धनुषाको गणेशमान चारनाथ नगरपालिका–७ निवासी ४६ वर्षीय प्रविन सिंह क्षेत्रीलाई प्रहरीले नियन्त्रणमा लिएको छ।
तपाईको प्रतिक्रिया