सुशीला कार्कीले फिर्ता गरिन् सरकारी गाडी

पूर्वप्रधानमन्त्री सुशीला कार्कीले आफूले प्रयोग गर्दै आएको सरकारी गाडी फिर्ता गरेकी छन्। उनले शुक्रबार दिउँसो गाडी सम्बन्धित निकायलाई बुझाएकी हुन्।

कार्कीले प्रयोग गरिरहेको गाडीमा प्राविधिक समस्या देखिनुका साथै अत्यधिक इन्धन खपत हुने भएपछि गाडी फिर्ता गरिएको उनका पूर्व प्रेस सल्लाहकार राम रावलले जानकारी दिएका छन्। हाल कार्कीसँग कुनै पनि सरकारी गाडी नभएको उनले बताएका छन्।

यस्तै, सर्वोच्च अदालतको प्रधानन्यायाधीश हुँदा पाएको गाडीको अवस्थाबारे भने कार्कीले चासो व्यक्त गरेकी छन्। उक्त गाडी हाल कहाँ छ भन्ने विषयमा उनले जानकारी लिन खोजेको रावलले बताएका छन्।