आज कुन विदेशी मुद्राको विनिमयदर कति ?

२०८३ साल असार २

हाइस्पीड संवाददाता

आजको विदेशी मुद्रा विनिमयदर सार्वजनिक

नेपाल राष्ट्र बैंकले आजका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार अमेरिकी डलर एकको खरिददर १५१ रुपैयाँ २४ पैसा र बिक्रीदर १५१ रुपैयाँ ८८ पैसा कायम गरिएको छ।

यस्तै, युरो एकको खरिददर १७५ रुपैयाँ ५४ पैसा र बिक्रीदर १७६ रुपैयाँ २४ पैसा तथा बेलायती पाउण्ड स्टर्लिङ एकको खरिददर २०३ रुपैयाँ ०२ पैसा र बिक्रीदर २०३ रुपैयाँ ८२ पैसा निर्धारण गरिएको छ। स्वीस फ्रयाङ्क, अष्ट्रेलियन डलर, क्यानेडियन डलर र सिङ्गापुर डलरको विनिमयदर पनि राष्ट्र बैंकले सार्वजनिक गरेको छ।

एशियाली मुद्रातर्फ जापानी येन, चिनियाँ युआन, साउदी रियाल, कतारी रियाल, यूएई दिराम, मलेसियन रिङ्गेट तथा दक्षिण कोरियाली वनको विनिमयदर समेत तय गरिएको छ। त्यस्तै कुवेती दिनार, बहराइन दिनार र ओमानी रियालजस्ता खाडी मुलुकका मुद्राको मूल्य पनि अद्यावधिक गरिएको छ।

राष्ट्र बैंकले भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा तोकेको छ। केन्द्रीय बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ भने वाणिज्य बैंकहरूले निर्धारण गर्ने दर केही फरक हुन सक्ने उल्लेख गरेको छ। अद्यावधिक विनिमयदर राष्ट्र बैंकको वेबसाइटमा उपलब्ध रहने जनाइएको छ।