२०८२ साल जेठ ५
हाइस्पीड संवाददाता
जोखिमयुक्त बस्तीका परिवारलाई तीन महिनासम्म राहत रकम दिने सरकारको निर्णय
सरकारले जोखिमयुक्त बस्तीबाट हटाइएका परिवारलाई वैकल्पिक बसोबास गर्न प्रोत्साहनस्वरूप राहत रकम उपलब्ध गराउने निर्णय गरेको छ। मन्त्रिपरिषद् बैठकले ५ सदस्यसम्म भएका परिवारलाई प्रतिमहिना १५ हजार रुपैयाँका दरले तीन महिनासम्म सहायता दिने निर्णय गरेको हो। ५ भन्दा बढी सदस्य भएका परिवारका लागि थप प्रत्येक सदस्य बराबर २ हजार रुपैयाँ अतिरिक्त उपलब्ध गराइनेछ। साथै, वृद्ध, अशक्त तथा आफैं बसोबास व्यवस्था गर्न नसक्ने व्यक्तिहरूलाई होल्डिङ सेन्टरमा राखिनेछ। बालबालिकाको पढाइ, विद्यालय तथा स्वास्थ्य सेवाको व्यवस्थापन स्थानीय तहसँग समन्वय गरेर सुनिश्चित गर्ने निर्णय पनि सरकारले गरेको छ।
श्रोत: अनलाईन खबर
तपाईको प्रतिक्रिया